Company Logo

G6-12 ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᓪᓗ

ᖁᓕᓪᓗ ᑕᓪᓗᒪᓪᓗ ᐱᓕᕆᐊᑦᓴᐃᑦ ᓂᕈᐊᖅᑕᐅᓂᐊᖅᑐᑦ ᐱᓯᒪᔪᓂ G6-12ᒥ ᐃᓕᓐᓂᐊᖅᑎᓂ ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᓪᓗ ᐃᓕᓐᓂᐊᖅᑎᓄᑦ. ᐊᑕᐅᓯᖅ ᐱᓕᕆᐊᑦᓴᖅ ᓂᕈᐊᖅᑕᐅᓂᐊᖅᑐᖅ ᐊᑐᓂ ᐊᕕᑦᑐᖅᓯᒪᔪᓂ ᓄᓇᓂ ᑮᓇᐅᔭᖃᖅᑎᑕᐅᓂᐊᕐᓗᓂ $750ᓂᒃ, ᐃᓚᖓ ᑮᓇᐅᔭᖃᖅᑎᑕᐅᓗᓂ $1000ᓂᒃ. ᐱᖓᓱᒃᑲᓐᓃᑦ ᐱᓕᕆᐊᑦᓴᐃᑦ ᓂᕈᐊᖅᑕᐅᖃᓯᐅᑎᓂᐊᕐᒥᔪᑦ ᑮᓇᐅᔭᖃᖅᑎᑕᐅᓂᐊᕐᓗᑎᑦ $1500ᓂᒃ.

ᑭᒃᑯᑦ ᐃᓚᐅᖃᑕᐅᒍᓐᓇᖅᑲᑦ?

  • G6-12 ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᓪᓗ (ᐅᒡᕙᓘᓐᓃᑦ 12ᓂᒃ ᑎᑭᓪᓗᒍ 21ᓂᒃ ᐊᕐᕌᒍᓖᑦ) – ᑐᓂᓯᒍᓐᓇᖅᑐᑦ ᐸᕐᓇᐅᑎᒥᓂ ᐃᓕᓐᓂᐊᕐᕕᒻᒥ ᓄᓇᓕᓐᓂᓘᓐᓃᑦ ᐱᓕᕆᐊᑦᓴᒥᓐᓂ ᓂᕈᐊᖅᑕᐅᒍᑎᒋᒐᓱᐊᕐᓗᒍ ᑐᓂᔭᐅᒐᔭᕐᓂᕐᒧᑦ ᑮᓇᐅᔭᓂᒃ ᐊᒥᓲᙱᑦᑐᓂᒃ ᐱᔭᕇᕈᓐᓇᖁᓪᓗᒍ ᐱᓕᕆᐊᑦᓴᒥᓐᓂ.
  • ᐃᓚᖏᑦ ᑕᐃᒃᑯᐊ ᐃᖅᑲᓇᐃᔭᓚᐅᖅᑐᑦ ᓱᓕᔪᓂᒃ ᑭᓪᓕᓯᓂᐊᕐᓂᕐᒧᑦ ᓴᐃᓕᖃᑎᒌᓐᓂᕐᒧᓪᓗ ᑲᑎᒪᔨᓄᑦ ᑲᓇᑕᒥ, ᐅᒡᕙᓘᓐᓃᑦ ᑲᓇᑕᒥ ᐱᓕᕆᕕᒃ ᑭᓪᓕᓯᓂᐊᕐᓂᕐᒧᑦ ᓴᐃᓕᖃᑎᒌᓐᓂᕐᒧᓪᓗ, ᖃᐃᖅᑯᔭᐅᔪᑦ ᐃᓚᐅᖃᑕᐅᖁᔭᐅᓪᓗᑎᑦ ᑭᓯᐊᓂᓕ ᓂᕈᐊᖅᑕᐅᒍᓐᓇᕐᓂᐊᙱᑦᑐᑦ ᑮᓇᐅᔭᓂᒃ ᑐᓂᔭᐅᔪᓄᑦ.

ᑮᓇᐅᔭᓂᒃ ᐊᒥᓲᙱᑦᑐᓂᒃ ᐱᑎᑕᐅᒍᓐᓇᓂᕐᒧᑦ ᐃᓗᓕᖏᑦ:

ᐱᔭᐅᒋᐊᓖᑦ ᑮᓇᐅᔭᓂ ᐊᒥᓲᙱᑦᑐᓂ ᑐᓂᔭᐅᓂᕐᒧᑦ ᐱᓕᕆᐊᑦᓴᓄᑦ:

ᐱᓕᕆᐊᑦᓴᖅ ᐱᖃᑕᐅᒍᓐᓇᖁᓪᓗᒍ ᑮᓇᐅᔭᓂᒃ ᐊᒥᓲᙱᑦᑐᓂᒃ ᑐᓂᔭᐅᓂᕐᒧᑦ, ᒪᑯᐊ ᒪᓕᑦᑐᑦ ᐱᔭᐅᓯᒪᒋᐊᓖᑦ:

  • ᐃᓕᓐᓂᐊᕐᕕᒃ ᓄᓇᓕᓐᓂᓘᓐᓃᑦ ᑎᒥᐅᔪᖅ ᓇᓗᓇᐃᖅᑕᐅᓯᒪᒋᐊᓕᒃ ᐱᓕᕆᖃᑎᐅᒋᐊᖓ.
  • ᒪᒃᑯᑦᑐᖅ ᓯᕗᓕᕐᓂᐊᖅᑐᖅ ᐱᓕᕆᐊᑦᓴᕐᒥᒃ ᓇᓗᓇᐃᖅᑕᐅᓯᒪᒋᐊᓕᒃ ᐱᓕᕆᐊᖃᕈᒪᓪᓚᕆᓪᓗᓂᓗ ᐅᓂᒃᑳᓕᐅᕈᓐᓇᕐᓂᕐᒥᒃ ᐊᑦᑐᐃᓂᕆᓯᒪᔭᖓᑕ ᐱᓕᕆᐊᑦᓴᐅᑉ ᐱᔭᕇᖅᓯᑦᓯᐊᕐᓗᓂᓪᓗ ᖃᐅᔨᒋᐊᒃᑲᓐᓂᕈᑕᐅᔪᓂᒃ.
  • ᐱᓕᕆᐊᑦᓴᐃᑦ ᐱᔾᔪᑎᖃᕆᐊᓖᑦ ᓴᐃᓕᖃᑎᒌᓐᓂᕐᒥ ᒪᒃᑯᑦᑑᑦ ᓄᓇᓕᖓᓐᓂ ᐃᓕᓐᓂᐊᕐᕕᖓᓂᓪᓘᓐᓃᑦ
  • ᑮᓇᐅᔭᖃᖅᑎᑕᐅᔪᑦ ᑐᓂᕐᕈᓯᕈᑎᐅᒍᓐᓇᙱᑦᑐᑦ ᑮᓇᐅᔭᐅᓗᑎᑦ ᑎᒥᐅᔪᓄᑦ ᐅᒡᕙᓘᓐᓃᑦ ᓂᐅᕕᕈᑕᐅᒋᐊᖃᙱᑦᑐᑦ ᑐᕌᖓᓂᐊᖅᑎᓪᓗᒍ ᐊᑕᐅᓯᕐᒧᑦ ᐃᓄᒻᒧᑦ. ᐱᓕᕆᐊᑦᓴᖅ ᐱᕚᓪᓕᖅᑎᑦᓯᒍᓐᓇᕆᐊᓕᒃ ᓄᓇᓕᒻᒥᒃ ᐃᓕᓐᓂᐊᕐᕕᒻᒥᓘᓐᓃᑦ ᐱᓕᕆᐊᑦᓴᐃᓪᓗ ᑲᒪᒋᔭᐅᒋᐊᓖᑦ ᑕᒪᒃᑯᓄᖓ ᒪᒃᑯᑦᑐᓄᑦ.
  • ᐱᖁᑏᑦ ᓱᓇᒃᑯᑖᓪᓗ ᓂᐅᕕᖅᑕᒥᓃᑦ ᐱᓕᕆᐊᑦᓴᒧᑦ ᑐᓂᕐᕈᑎᐅᒋᐊᓖᑦ ᓄᓇᓕᓐᓄᑦ ᑎᒥᐅᔪᒧᑦ ᐃᓕᓐᓂᐊᕐᕕᒻᒧᓪᓘᓐᓃᑦ ᐱᔭᕇᖅᓯᒪᓕᖅᐸᑦ ᐱᓕᕆᐊᑦᓴᖅ.
  • ᐱᒻᒪᕆᐅᕗᖅ ᒪᒃᑯᑦᑐᐃᑦ ᐃᓚᐅᑎᑦᓯᒋᐊᖃᕐᓂᖏᓐᓂᒃ ᒪᒃᑯᑦᑑᖃᑎᒥᓐᓂ ᐱᕕᓕᒫᖏᓐᓂ ᐊᑐᓕᖅᑎᑕᐅᑎᓪᓗᒍ ᐱᓕᕆᐊᑦᓴᖅ.  

ᑮᓇᐅᔭᓂᒃ ᐊᒥᓲᙱᑦᑐᓂᒃ ᑐᓂᔭᐅᓂᐊᖅᑐᑦ ᖁᓕᓪᓗ ᑕᓪᓗᒪᓪᓗᓄᑦ ᐱᓕᕆᐊᑦᓴᐃᑦ ᐱᓯᒪᓗᑎᑦ G6-12ᒥ ᐃᓕᓐᓂᐊᖅᑎᓂ ᐊᒻᒪᓗ ᓯᓚᑦᑐᓴᕐᕕᓕᐊᕐᓂᕐᒧᑦ ᐸᕐᓇᐸᓪᓕᐊᔪᓄᑦ ᐃᓕᓐᓂᐊᖅᑎᓂ:

  • 6 ᑮᓇᐅᔭᖃᖅᑎᑕᐅᓗᑎᑦ $750ᓂᒃ (1 ᐊᕕᑦᑐᖅᓯᒪᔪᓂ ᓄᓇᓂ)
  • 6 ᑮᓇᐅᔭᖃᖅᑎᑕᐅᓗᑎᑦ $1000ᓂᒃ (1 ᐊᕕᑦᑐᖅᓯᒪᔪᓂ ᓄᓇᓂ) 
  • 3 ᑮᓇᐅᔭᖃᖅᑎᑕᐅᓗᑎᑦ $1500ᓂᒃ (ᒪᑐᐃᖓᔪᖅ ᓄᓇᓕᓕᒫᕐᓄᑦ)

ᐃᓱᒪᒋᔭᐅᖁᓪᓗᑎᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᒥᓲᙱᑦᑐᓂᒃ, ᐱᓕᕆᐊᑦᓴᖅ ᓇᓗᓇᐃᖅᓯᓯᒪᒋᐊᓕᒃ ᑎᒥᐅᔪᒥᒃ ᐱᓕᕆᖃᑎᐅᔪᒥᒃ. ᐱᓕᕆᖃᑎᐅᔪᑦ ᐃᓕᓐᓂᐊᕐᕕᐅᒍᓐᓇᖅᑐᑦ ᐅᒡᕙᓘᓐᓃᑦ ᓄᓇᓕᓐᓂ ᑎᒥᐅᔫᓗᑎᑦ ᑭᓯᐊᓂᑦᑕᐅᖅ ᐊᑐᖅᑕᐅᒋᐊᓕᓐᓂᒃ ᒪᓕᒍᓐᓇᕆᐊᓖᑦ ᐱᒍᓐᓇᕐᓂᕐᒧᑦ ᐃᑲᔪᖅᓯᒍᓐᓇᕆᐊᖅ ᐃᓕᓐᓂᐊᑎᑦᓯᒍᓐᓇᕆᐊᕐᓗ ᒪᒃᑯᑦᑐᓂᒃ ᓯᕗᓕᖅᑐᓂᒃ.

ᒪᒃᑯᑦᑐᖅ ᑐᓂᓯᔭᕆᐊᓕᒃ ᑎᑎᖅᑲᕐᒥ ᐃᑲᔪᖅᑐᐃᔪᒥᒃ ᐃᓚᐅᖃᑕᐅᔪᒥᒃ ᐃᓕᓐᓂᐊᕐᒥᕕ ᐅᒡᕙᓘᓐᓃᑦ ᓄᓇᓕᓐᓂ ᑎᒥᐅᔪᓂ ᓇᓗᓇᐃᖅᓯᔪᓂᒃ ᐃᑲᔪᖅᑐᐃᒋᐊᖅ ᐱᓕᕆᐊᑦᓴᕐᒥ ᓂᕈᐊᖅᑕᐅᓐᓂᖅᐸᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᒥᓲᙱᑦᑐᓂᒃ. 

ᑮᓇᐅᔭᖃᖅᑎᑕᐅᒌᕈᓂ ᐃᓚᐅᖃᑕᐅᒌᕈᓂᓐᓕ ᓯᕗᓕᖅᑎᐅᓂᕐᒧᑦ ᐱᓕᒻᒪᓴᖅᑐᓂ ᐱᕚᓪᓕᕆᐊᖁᓪᓗᒋᑦ ᐱᓕᕆᐊᑦᓴᓕᐅᕐᓂᕐᒧᑦ ᐸᕐᓇᐅᑏᑦ, ᒪᒃᑯᑦᑐᖅ ᓯᕗᓕᖅᑐᖅ ᓂᕆᐅᒋᔭᐅᓂᐊᖅᑐᖅ ᖃᐅᔨᒋᐊᖁᔭᐅᓗᓂ ᕿᑎᖅᐸᓯᐊᓂ ᐊᑐᓕᖅᑎᑕᐅᓯᒪᓕᖅᑎᓪᓗᒍ ᐱᓕᕆᐊᑦᓴᖓ. ᐃᓚᒋᐊᕐᓗᒍ, ᒪᒃᑯᑦᑐᖅ ᓯᕗᓕᖅᑐᖅ ᑐᓂᓯᒋᐊᖃᕐᓂᐊᕐᒥᔪᖅ ᑭᖑᓪᓕᖅᐹᕐᒥ ᐅᓂᒃᑳᓕᐅᕈᑎᒥᓂ ᖃᓄᖅ ᐱᓕᕆᐊᑦᓴᖓ ᐊᐅᓚᓂᖃᓚᐅᕐᒪᖔᑦ, ᖃᓄᖅ ᐊᑦᑐᐃᓂᖃᓚᐅᕐᒪᖔᑦ ᐃᓕᓐᓂᐊᕐᕕᒻᒥ ᓄᓇᓕᓐᓂᓘᓐᓃᑦ, ᖃᓄᕐᓗ ᑮᓇᐅᔭᐃᑦ ᐊᑐᖅᑕᐅᓚᐅᕐᒪᖔᑕ.

ᖃᓄᑎᒋ ᐱᓕᕆᐊᖃᕈᓐᓇᕐᓂᖏᑦ ᐱᔭᕇᕋᓱᐊᕐᓗᒋᑦ ᐱᓕᕆᐊᑦᓴᓕᒫᑦ ᐱᔾᔪᑎᖃᕐᓂᐊᖅᑐᖅ ᖃᖓᒃᑯᑦ ᐃᓕᓐᓂᐊᕐᕕᒃ ᐃᓱᓕᒡᕕᑦᓴᖃᕐᒪᖔᑦ ᐱᓕᕆᖃᑎᐅᒍᓂ, ᐃᓕᓐᓂᐊᕐᕕᒃ ᐱᓕᕆᖃᑎᐅᒍᓂ, ᐅᒡᕙᓘᓐᓃᑦ ᐊᐅᒡᒍᓯᒥ ᐃᓱᓕᒡᕕᑦᓴᖃᖅᑎᑕᐅᓗᓂ ᒪᒃᑯᑦᑐᖅ ᓯᕗᓕᖅᑐᖅ ᐱᓕᕆᖃᑎᖃᖅᐸᑦ ᓄᓇᓕᓐᓂ ᑎᒥᐅᔪᒥᒃ.

ᑐᓂᓯᓂᕐᒧᑦ ᐊᑐᖅᑕᐅᒋᐊᓖᑦ:

ᐅᖃᓕᒫᑦᓯᐊᕐᓗᒋᑦ ᒪᑯᐊ ᒪᓕᑦᑐᑦ ᑐᓂᓯᓚᐅᙱᓐᓂᕐᓂ ᐱᓕᕆᐊᑦᓴᕐᓂᒃ,

  1. ᑐᓂᔭᐅᓯᒪᒋᐊᓖᑦ ᐱᓕᕆᐊᑦᓴᐃᑦ ᑎᑭᓚᐅᖅᑎᓐᓇᒍ 11:59 ᐅᓐᓄᒃᑯᑦ ᓯᕿᕐᖑᔭᖓ ᕿᑎᕐᒥᐅᑦ ᒪᓕᓪᓗᒍ, ᑎᓯᐱᕆ 17, 2021. ᐱᒍᓐᓇᖃᑦᑕᕐᓂᐊᖅᑕᕗᑦ ᑐᓂᔭᐅᔪᑦ ᐃᑭᐊᖅᑭᕕᒃᑯᑦ ᑎᑎᖅᑲᓂᐊᕐᕕᒃᑯᓪᓗ, ᑎᑎᖅᑲᓂᐊᕐᕕᒻᒥ ᐊᐅᓪᓚᖅᓯᒪᒋᐊᓕᒃ ᐅᓪᓗᖓᓂ ᑎᓯᐱᕆ 17.
  2. ᓯᕗᓂᐊᒍᑦ ᑐᓴᕆᐊᕐᕕᒋᑎᒍᑦ ᐃᓱᓕᒡᕕᑦᓴᖓᑕ ᐃᑲᔪᖅᑕᐅᒋᐊᖃᕈᕕᑦ ᑎᒃᑯᐊᖅᑕᐅᒋᐊᖃᕈᕕᓪᓘᓐᓃᑦ ᖃᓄᖅ ᑐᓂᓯᓂᕐᒧᑦ ᐊᑐᖅᑕᐅᒋᐊᓕᓐᓂ.
  3. ᑐᓂᔭᐅᔪᑦ ᐃᓚᐅᑎᑦᓯᒋᐊᓖᑦ ᑕᑕᑎᖅᓯᒪᔪᒥᒃ ᐃᓘᓐᓈᒍᑦ, ᐱᖃᓯᐅᓪᓗᒋᑦ ᐊᑎᓕᐅᕐᕕᒋᒋᐊᓖᑦ. ᐱᓕᕆᐊᑦᓴᐃᑦ ᑐᓂᔭᐅᔪᑦ ᐱᔭᕇᖅᓯᒪᙱᑦᑐᒥᒃ ᑕᑕᑎᒐᕐᒥᒃ ᐱᖃᑕᐅᒍᓐᓇᕐᓂᐊᙱᑦᑐᑦ ᐃᓱᒪᒋᔭᐅᔪᓄᑦ.
  4. ᐱᖃᑕᐅᒐᓱᐊᖅᑐᑦ ᑐᓂᓯᔪᓄᑦ ᐃᓱᒪᒋᔭᐅᔪᑦ ᑭᒃᑯᓕᒫᕐᓄᑦ ᑐᓴᖅᑕᐅᒍᓐᓇᕐᓗᑎᑦ ᑐᓂᔭᐅᓯᒪᓕᖅᐸᑕ ᐱᙱᑕᖃᕆᐊᖃᙱᑦᑐᑎᓪᓗ ᑲᙳᓇᖅᑐᓂᒃ ᖃᐅᔨᒪᔭᐅᒋᐊᖃᙱᑦᑐᓂᓪᓘᓐᓃᑦ.
  5. ᑐᓂᔭᐅᔪᑦ ᐃᓚᖃᕆᐊᓖᑦ ᑎᑎᖅᑲᕐᒥᒃ ᐃᑲᔪᖅᑐᐃᔪᒥᒃ ᓄᓇᓕᓐᓂ ᐃᓕᓐᓂᐊᕐᕕᒻᒥᓘᓐᓃᑦ ᐱᓕᕆᖃᑕᐅᔪᕐᒥ. ᐱᓕᕆᐊᑦᓴᐃᑦ ᑐᓂᔭᐅᔪᑦ ᑎᑎᖅᑲᖃᙱᑦᑐᓂᒃ ᐃᑲᔪᖅᑐᐃᔪᓂᒃ ᐃᓱᒪᒋᔭᐅᓂᐊᙱᑦᑐᑦ ᐱᖃᑕᐅᒍᓐᓇᖅᑐᓄᑦ. ᑎᑎᖅᑲᖅ ᐃᑲᔪᖅᑐᐃᒍᑦ ᐃᓚᖃᕆᐊᖃᕐᒥᔪᖅ ᓇᓗᓇᐃᖅᓯᒍᑎᒥᒃ ᐊᖏᖅᓯᒪᒋᐊᖅ ᑲᔪᓯᑎᑕᐅᓐᓂᖅᐸᑦ ᐱᓕᕆᐊᑦᓴᖅ ᑮᓇᐅᔭᖃᖅᑎᑕᐅᓂᕐᒧᑦ, ᐊᐅᓚᑦᓯᔨᐅᓂᐊᕆᐊᖅ ᑮᓇᐅᔭᕐᓂᒃ ᒪᒃᑯᑦᑐᒧᑦ.

ᑐᓂᓯᓂᕐᒧᑦ ᖃᐅᔨᒪᒋᐊᕈᑦ:

ᐊᑐᐃᓐᓇᐅᓕᖅᑮᑦ ᑐᓂᓗᒍ ᐱᓕᕆᐊᑦᓴᐃᑦ? ᕿᒥᕐᕈᒋᐊᕈᒃ ᖃᐅᔨᒪᒋᐊᕈᑦ:

  • ᓇᓗᓇᐃᕐᓗᒍ ᒪᒃᑯᑦᑐᖅ ᓯᕗᓕᕐᓂᐊᖅᑐᖅ
  • ᓇᓗᓇᐃᖅᓯᓗᑎᑦ ᒪᕐᕈᒃᑲᓐᓃᓐᓂᒃ ᑭᒡᒐᖅᑐᐃᔪᑦᓵᓐᓂᒃ ᐱᓕᕆᐊᑦᓴᕐᒧᑦ
  • ᕿᒥᕐᕈᒋᐊᕐᓗᒍ ᑐᓂᓯᓂᕐᒧᑦ ᑕᑕᑎᒐᖅ ᐃᒪᐃᑦᑐᖃᕋᓗᐊᕐᒪᖔᑦ:
    • ᐃᓘᓐᓇᑎᑦ ᑕᑕᑎᕆᐊᓖᑦ ᑕᑕᑎᖅᓯᒪᔪᑦ
    • ᑐᓴᕆᐊᕐᕕᒋᒍᓐᓇᖅᑕᐃᑦ ᑖᓐᓇᓪᓚᕆᐅᕙ
    • ᐱᔭᕇᖅᓯᒪᓗᑎᑦ ᑎᑎᕋᐅᑎᒋᓯᒪᔪᓄᑦ ᐊᐱᖅᑯᑏᑦ
    • ᐱᓕᕆᐊᑦᓴᕐᒥ ᐅᖃᐅᓯᖃᖅᑐᖅ ᓇᐃᓈᖅᓯᒪᔪᖅ
    • ᐱᓕᕆᐊᑦᓴᕐᒧᑦ ᑮᓇᐅᔭᖃᖅᑎᑕᐅᓂᖅ
  • ᑎᑎᖅᑲᖅ ᐃᑲᔪᖅᓯᔪᖅ ᐱᓯᒪᓪᓗᓂ ᐃᓕᓐᓂᐊᕐᕕᒻᒥ ᓄᓇᓕᓐᓂᓘᓐᓃᑦ ᑎᒥᐅᔪᓂ ᐱᓕᕆᖃᑕᐅᔪᒥ

ᑐᓂᓯᓂᕐᒧᑦ ᑕᑕᑎᒐᐃᑦ:

ᐱᓕᕆᕕᐅᒍᓐᓇᖅᑐᖅ word ᑎᑎᖅᑲᓕᐅᕈᑎᑎᒎᖅᑐᖅ (word file)

ᐊᒥᓱᓕᐊᖑᒍᓐᓇᖅᑐᖅ (PDF file)

ᑎᒥᐅᔪᑦ ᐱᓕᕆᖃᑎᐅᔪᑦ:

ᐆᑐᕋᐅᑏᑦ ᐱᓕᕆᐊᑦᓴᕐᓄᑦ:

ᐱᒻᒪᕆᐅᔪᑦ ᐅᓪᓗᐃᑦ ᐱᖁᔭᐅᓯᒪᔪᐃᓪᓗ ᐱᓕᕆᐊᑦᓴᐃᑦ ᐊᑯᓂᐅᓂᕆᒍᓐᓇᖅᑕᖏᑦ:

ᓂᕈᐊᖅᓯᓂᕐᒧᑦ ᐊᑐᖅᑕᐅᓂᐊᖅᑐᖅ:

ᑮᓇᐅᔭᖃᖅᑎᑦᓯᓂᕐᒧᑦ ᐃᑲᔪᖅᑐᑦ:

ᑮᓇᐅᔭᖃᖅᑎᑕᐅᔪᑦ ᑕᑯᓐᓇᙳᐊᖅᑕᖅ ᑲᓇᑕ ᐱᓕᕆᐊᑦᓴᐃᑦ ᐱᓯᒪᔪᑦ IG Wealth Corporation-ᑯᓐᓂᒃ, ᖃᐅᒻᒪᖅᑯᑎᓕᕆᔨᒃᑯᑦ ᑯᐊᐸᕇᓴᓐ ᑲᓇᑕᒥᒃᑯᓐᓂ (Power Corporation of Canda), ᐊᒻᒪᓗ CCUNESCO-ᑯᓐᓂᒃ.

Inscrivez-vous pour notre bulletin d'information

Restez informés sur le CNVR et nos événements prochains.

Le nom spirituel du CNVR, Bezhig miigwan, signifie « une plume ».

Bezhig miigwan nous invite à considérer chaque survivant qui se présente au CNVR comme une plume d’aigle, et à lui montrer le même respect et la même attention que s’il était une plume d’aigle. Ce nom signifie également que nous sommes tous ensemble – nous sommes unis et connectés, et il est vital de travailler ensemble pour parvenir à la réconciliation.