Company Logo

G6-12 silattusarviliarnirmut parnapalliajunullu

Qulillu tallumallu piliriatsait niruaqtauniaqtut pisimajuni G6-12mi ilinniaqtini silattusarviliarnirmut parnapalliajunullu ilinniaqtinut. Atausiq piliriatsaq niruaqtauniaqtuq atuni avittuqsimajuni nunani kiinaujaqaqtitauniarluni $750nik, ilanga kiinaujaqaqtitauluni $1000nik. Pingasukkanniit piliriatsait niruaqtauqasiutiniarmijut kiinaujaqaqtitauniarlutit $1500nik.

Kikkut Ilauqataugunnaqkat?

  • G6-12 silattusarviliarnirmut parnapalliajunullu (ugvaluunniit 12nik tikillugu 21nik arraaguliit) – tunisigunnaqtut parnautimini ilinniarvimmi nunalinniluunniit piliriatsaminni niruaqtaugutigigasuarlugu tunijaugajarnirmut kiinaujanik amisuunngittunik pijariirunnaqullugu piliriatsaminni.
  • Ilangit taikkua iqkanaijalauqtut sulijunik killisiniarnirmut sailiqatigiinnirmullu katimajinut Kanatami, ugvaluunniit Kanatami Pilirivik Killisiniarnirmut Sailiqatigiinnirmullu, qaiqkujaujut ilauqatauqujaullutit kisianili niruaqtaugunnarnianngittut kiinaujanik tunijaujunut.

Kiinaujanik Amisuunngittunik Pititaugunnanirmut Ilulingit:

Pijaugialiit Kiinaujani Amisuunngittuni Tunijaunirmut Piliriatsanut:

Piliriatsaq piqataugunnaqullugu kiinaujanik amisuunngittunik tunijaunirmut, makua malittut pijausimagialiit:

  • Ilinniarvik nunalinniluunniit timiujuq nalunaiqtausimagialik piliriqatiugianga.
  • Makkuttuq sivulirniaqtuq piliriatsarmik nalunaiqtausimagialik piliriaqarumallarillunilu unikkaaliurunnarnirmik attuinirisimajangata piliriatsaup pijariiqsitsiarlunillu qaujigiakkannirutaujunik.
  • Piliriatsait pijjutiqarialiit sailiqatigiinnirmi makkuttuut nunalinganni ilinniarvinganilluunniit
  • Kiinaujaqaqtitaujut tunirrusirutiugunnanngittut kiinaujaulutit timiujunut ugvaluunniit niuvirutaugiaqanngittut turaanganiaqtillugu atausirmut inummut. piliriatsaq pivaalliqtitsigunnarialik nunalimmik ilinniarvimmiluunniit piliriatsaillu kamagijaugialiit tamakkununga makkuttunut.
  • Piqutiit sunakkutaallu niuviqtaminiit piliriatsamut tunirrutiugialiit nunalinnut timiujumut ilinniarvimmulluunniit pijariiqsimaliqpat piliriatsaq.
  • Pimmariuvuq makkuttuit ilautitsigiaqarninginnik makkuttuuqatiminni pivilimaanginni atuliqtitautillugu piliriatsaq. 

Kiinaujanik amisuunngittunik tunijauniaqtut qulillu tallumallunut piliriatsait pisimalutit G6-12mi ilinniaqtini ammalu Silattusarviliarnirmut Parnapalliajunut ilinniaqtini:

•     6 kiinaujaqaqtitaulutit $750nik (1 avittuqsimajuni nunani)

•     6 kiinaujaqaqtitaulutit $1000nik (1 avittuqsimajuni nunani)

•     3 kiinaujaqaqtitaulutit $1500nik (matuingajuq nunalilimaarnut)

Isumagijauqullutit kiinaujaqaqtitaunirmut amisuunngittunik, piliriatsaq nalunaiqsisimagialik timiujumik piliriqatiujumik. Piliriqatiujut ilinniarviugunnaqtut ugvaluunniit nunalinni timiujuulutit kisianittauq atuqtaugialinnik maligunnarialiit pigunnarnirmut ikajuqsigunnariaq ilinniatitsigunnariarlu makkuttunik sivuliqtunik.

Makkuttuq tunisijarialik titiqkarmi ikajuqtuijumik ilauqataujumik ilinniarmivi ugvaluunniit nunalinni timiujuni nalunaiqsijunik ikajuqtuigiaq piliriatsarmi niruaqtaunniqpat kiinaujaqaqtitaunirmut amisuunngittunik.

Kiinaujaqaqtitaugiiruni ilauqataugiiruninli sivuliqtiunirmut pilimmasaqtuni pivaalliriaqullugit piliriatsaliurnirmut parnautiit, makkuttuq sivuliqtuq niriugijauniaqtuq qaujigiaqujauluni qitiqpasiani atuliqtitausimaliqtillugu piliriatsanga. ilagiarlugu, makkuttuq sivuliqtuq tunisigiaqarniarmijuq kingulliqpaarmi unikkaaliurutimini qanuq piliriatsanga aulaniqalaurmangaat, qanuq attuiniqalaurmangaat ilinniarvimmi nunalinniluunniit, qanurlu kiinaujait atuqtaulaurmangaata.

Qanutigi piliriaqarunnarningit pijariirasuarlugit piliriatsalimaat pijjutiqarniaqtuq qangakkut ilinniarvik isuligvitsaqarmangaat piliriqatiuguni, ilinniarvik piliriqatiuguni, ugvaluunniit auggusimi isuligvitsaqaqtitauluni makkuttuq sivuliqtuq piliriqatiqaqpat nunalinni timiujumik.

Tunisinirmut Atuqtaugialiit:

Uqalimaatsiarlugit makua malittut tunisilaunnginnirni piliriatsarnik:

  1. Tunijausimagialiit piliriatsait tikilauqtinnagu 11:59 unnukkut siqirngujanga Qitirmiut malillugu, Tisipiri 17, 2021. Pigunnaqattarniaqtavut tunijaujut ikiaqkivikkut titiqkaniarvikkullu, titiqkaniarvimmi aullaqsimagialik ullungani Tisipiri 17.
  2. Sivuniagut tusariarvigitigut isuligvitsangata ikajuqtaugiaqaruvit tikkuaqtaugiaqaruvilluunniit qanuq tunisinirmut atuqtaugialinni.
  3. Tunijaujut ilautitsigialiit tatatiqsimajumik iluunnaagut, piqasiullugit atiliurvigigialiit. piliriatsait tunijaujut pijariiqsimanngittumik tatatigarmik piqataugunnarnianngittut isumagijaujunut.
  4. Piqataugasuaqtut tunisijunut isumagijaujut kikkulimaarnut tusaqtaugunnarlutit tunijausimaliqpata pinngitaqariaqanngittutillu kanngunaqtunik qaujimajaugiaqanngittunilluunniit.
  5. Tunijaujut ilaqarialiit titiqkarmik ikajuqtuijumik nunalinni ilinniarvimmiluunniit piliriqataujurmi. piliriatsait tunijaujut titiqkaqanngittunik ikajuqtuijunik isumagijaunianngittut piqataugunnaqtunut. Titiqkaq ikajuqtuigut ilaqariaqarmijuq nalunaiqsigutimik angiqsimagiaq kajusititaunniqpat piliriatsaq kiinaujaqaqtitaunirmut, aulatsijiuniariaq kiinaujarnik makkuttumut.

Tunisinirmut Qaujimagiarut:

Atuinnauliqkiit tunilugu piliriatsait? Qimirrugiaruk qaujimagiarut:

  • Nalunairlugu makkuttuq sivulirniaqtuq
  • Nalunaiqsilutit marrukkanniinnik kiggaqtuijutsaannik piliriatsarmut
  • Qimirrugiarlugu tunisinirmut tatatigaq imaittuqaraluarmangaat:
    • Iluunnatit tatatirialiit tatatiqsimajut
    • Tusariarvigigunnaqtait taannallariuva
    • Pijariiqsimalutit titirautigisimajunut apiqkutiit
    • Piliriatsarmi uqausiqaqtuq nainaaqsimajuq
    • Piliriatsarmut kiinaujaqaqtitauniq
  • Titiqkaq ikajuqsijuq pisimalluni ilinniarvimmi nunalinniluunniit timiujuni piliriqataujumi

Tunisinirmut Tatatigait:

piliriviugunnaqtuq word titiqkaliurutitiguuqtuq (Word File)

amisuliangugunnaqtuq (PDF file)

Timiujut Piliriqatiujut:

Uuturautiit Piliriatsarnut:

Pimmariujut Ulluit Piqujausimajuillu Piliriatsait Akuniunirigunnaqtangit:

Niruaqtaujut Piliriatsait:

Kiinaujaqaqtitsinirmut Ikajuqtut:

Kiinaujaqaqtitaujut Takunnannguaqtaq Kanata piliriatsait pisimajut IG Wealth Corporation-kunnik, Qaummaqkutilirijikkut Kuapariisan Kanata (Power Corporation of Canada), ammalu CCUNESCO-kunnik.

Inscrivez-vous pour notre bulletin d'information

Restez informés sur le CNVR et nos événements prochains.

Le nom spirituel du CNVR, Bezhig miigwan, signifie « une plume ».

Bezhig miigwan nous invite à considérer chaque survivant qui se présente au CNVR comme une plume d’aigle, et à lui montrer le même respect et la même attention que s’il était une plume d’aigle. Ce nom signifie également que nous sommes tous ensemble – nous sommes unis et connectés, et il est vital de travailler ensemble pour parvenir à la réconciliation.